Reperi i njohur nga Shqipëria, Noizy së fundmi ka organizuar një festë private për miqtë dhe kolegët për të promovuar koncertin e tij “Alpha show” që do të mbahet në Tiranë më 14 gusht.
Në mesin e të ftuarve ishte edhe reperja, Loredana me të cilën solli bashkëpunimin “Heart Attack” që tashmë është kthyer në një hit veror.
Në ahengun e reperit, Loredana dha edhe një deklaratë për emisionin “Prive” ku edhe foli për jetën private.
Foto: Loredana/Instagram
E pyetur për statusin e saj aktual, Loredana u shpreh se aktualisht është beqare por që është e hapur për dashurinë.
“Unë jam gjithmonë e hapur për një dashuri të re, kam dëshirë prapë të martohem, prapë të bëj fëmijë, jam e lumtur por ende nuk kam një lidhje të re”, u shpreh Loredana.
Foto: Loredana/Instagram
Theksojmë që Loredana tashmë është nënë e një vajze, Hana nga lidhja e saj e mëparshme me reperin, Mozzik, me të cilin ka ndarë rrugët prej kohësh.
Ndryshe, mes tjerash reperja u shpreh se me Noizyn kanë në plan që të realizojnë edhe një tjetër duet. /Telegrafi/
