Lizzo tregon transformimin e saj dhe reagon ndaj kritikave

Lizzo mahniti ndjekësit e saj në Instagram duke treguar humbjen e saj të dukshme në peshë, teksa pozoi me të brendshme nga linja e saj Yitty.

Këngëtarja 36-vjeçare ndau një selfie në pasqyrë, ku ekspozonte belin e saj më të tonifikuar, duke e kombinuar me një bluzë gri të lirshme.

Postimi i saj, i cili përfshinte edhe meme të ndryshme, mori mbi 71,000 pëlqime nga ndjekësit e saj të shumtë, shkruan DailyMail.

Në një tjetër video të shpërndarë gjatë fundjavës, ajo kërceu lozonjarisht me një veshje tjetër nga koleksioni i saj, duke promovuar këngën e saj më të fundit “Still Bad”.

Përveçse ndau momentet e saj personale, Lizzo u përball me kritika mbi mesazhin e saj optimist në muzikë.

Ajo reagoi fuqishëm në rrjetet sociale, duke e quajtur këtë narrativë si “mendim dembel” dhe duke theksuar se vazhdon të krijojë muzikë për të sjellë gëzim dhe frymëzim.

Lizzo gjithashtu kritikoi trajtimin e grave me ngjyrë në industrinë muzikore, duke përmendur emra si Janet Jackson, Whitney Houston dhe Tina Turner, të cilat, sipas saj, nuk u vlerësuan sa duhet në kohën e tyre.

Pavarësisht sfidave, ajo shprehu vendosmërinë për të vazhduar rrugën e saj artistike, duke e cilësuar veten si një zë unik në skenën muzikore. /Telegrafi/