Aktori i njohur shqiptar, Leart Vasili, është personazhi i fundit që u fut në shtëpinë e Big Brother VIP Albania.

Ai shquhet për deklaratat e tij të forta publike, debatet në studio televizive, por edhe paraqitjet e tij skenike.

Këtë vit diaspora shqiptare në Itali nuk do të jenë pa një pëerfaqësues!

Bukuroshja Loredana Brati e cila ka studiuar psikologji por punon si foto-modele, është futur në shtëpinë më të famshme në Shqipëri, për të shijuar aventurën e Big Brother VIP Albania.

Ashtu siç edhe është bërë zakon tashmë, personazhe nga spektakli Për’puthen nuk mungojnë në Big Brother VIP Albania.

Këtë herë, banore e zgjedhur nga ky format është Livia Brungu, e cila do të jetë pjesë e këtij edicioni.

Artistja e makijazhit Amber, iu bashkua banorëve në edicioni ne katërt të BBVA.

Ajo tha se ka pasur disa intervista që kanë bërë bujë, teksa pret që në këtë spektakël të tregojë shumë nga vetja e saj.

Edicionit të katërt të Big Brother VIP Albania iu bashkua edhe regjisori Aldo Marku.

Këngëtarja e mirënjohur shqiptare, Rozana Radi, është futur në shtëpinë e edicionit të katërt të Big Brother VIP Albania.

Ajo ka vendosur që ta sprovojë veten në këtë aventurë, teksa para se të hynte performoi këngën e saj më të re “Vetes”.

Këngëtari i ri Jozi është banori më i ri i Big Brother VIP Albania 4.

Ai është me prejardhje nga Laçi dhe krahas muzikës, merret edhe me palestër.

Influencuesi i rrjeteve sociale, Xum Allushi, është futur i nënti në radhë në shtëpinë më të famshme në Shqipëri.

Ai është i njohur për videot e tij qesharake në rrjetet sociale dhe shakatë, teksa tha se është futur në shtëpinë e BBVA pa i njoftuar fare familjarët.

Gazetarja e Radio Televisionit Shqiptar, Gerta Gixhari, është futur në shtëpinë e Big Brother VIP Albania.

Ajo është motra e aktores së famshme, Olta Gixhari, e cila ishte një nga banoret më të diskutuara të edicionit të dytë të Big Brother VIP Albania 2.

Klajdi Musabelliu është banori i radhës që futet në shtëpi.

Ai është këngëtar, i cili e nisi rrugëtimin e tij në “Ethet e Së Premtes”, por që më pas emigroi në Itali, ku është marrë me punë më të rëndomta.

Për shumë kënd erdhi si befasi, por po! Këngëtarja e famshme shqiptare, Fevzie Konushevci e njohur ndryshe si Gili, ka pranuar të futet në shtëpinë e Big Brother VIP Albania.

Ajo ka hyrë bashkë me djalin e saj, Redonin, i cili është reper i ri në skenën shqiptare.

Nën e bir janë futur në këtë aventurë si një konkurrent i vetëm.

Inspektori i krimeve, Marius Dervishi, i njohur ndryshe edhe me nofkën Zebërvoki, u fut si banori i pestë të Big Brother VIP Albania.

Ai punon edhe si regjisor i filmave, çka i ka dhënë një njohje më të madhe në fushën e kinematografisë.

Gazetarja Valbona Mhilli është banorja më e re në edicionin e katërt të BBVA.

Ajo njihet veçanërisht për lapsusin e saj të famshëm në emisionin e mëngjesit, ku nuk kishte shqiptuar dot emrin e kampit ‘Auschwitz’ gjatë transmetimit të lajmeve të mëngjesit.

Ols Abazi është banori i tretë që futet në shtëpinë e Big Brother VIP Albania 4.

Ai e prezantoi veten si producent televiziv, por që më shumë tha se njihet si “hallexhi”.

I dyti në radhë që iu bashkua shtëpisë më të famshme në Shqipëri është reperi G-Bani.

Ai u prezantua duke kënduar “Të dua” live në spektakël bashkë me Anxhela Peristerin, e cila i uroi shumë suksese në këtë rrugëtim.

Është prezantuar tashmë edhe banorja e parë e edicionit të katërt të Big Brother VIP Albania.

Ajo është 27 vjeçe dhe ka mbaruar studimet për regji teatri dhe aktrim, teksa aktualisht punon si trajnere e fitnesit.

Në nisje të spektakli janë prezantuar edhe dy opinionistët e edicionit të sivjetmë.

Ata janë humanisti Arbër Hajdari (opinionist prej katër vitesh) dhe Neda Balluku, banore e Big Brother Albania 4.

Në nisje të spektaklit është prezantuar shtëpia, ku banorët e Big Brother VIP Albania 4, do të qëndrojnë të izoluar për mbi 100 ditë.

Prezantuesi Ledion Liço, ka bërë hapjen e spektaklit më të ndjekur në Shqipëri, Big Brother VIP Albania 4.