LIVE: Dita e fundit e afatit të janarit

Në ligat kryesore evropiane është mbyllur afati kalimtar dimëror i këtij viti. Për transferimet eventuale të rëndësishme që kanë ndodhur në momentet e fundit, do t’ju njoftojmë në vazhdim me lajme të veçanta.

Yanic Wildschut i është bashkuar Norwichit nga Wigan Athletic për një shifër të pa bërë publike, teksa ka nënshkruar kontratë për dy vite e gjysmë.

Marc Wilson ka nënshkruar me West Brom Albion nga Bournemouth, me anë të huazimit deri në fund të sezonit.

Middlesbrough ka nënshkruar me Adlene Guedioura nga Watford për një shifër rreth 3.5 milionë funte me kontratë prej dy vjet e gjysmë.

Mbrojtësi i Milanit, Rodrigo Ely, i është bashkuar Deportivo Alavesit si huazim deri në fund ët sezonit.

Lille ka njoftuar transferimin e 22-vjeçarit holandez, Ricardo Kishna. Futbollisti ka ardhur si huazim me të drejt blerje nga skuadra italiane, Lazio.

Me kënaqësi ju njoftojmë se Krystian Bielik është huazuat te Birminghami – thuhet në njoftimin e klubit.

Gianfranco Zola ka thënë se Birminghami do ta transferojë Krystian Bielikun nga Arsenali.

“Po, po e sjellim”, ka thënë trajneri rreth transferimit të 19-vjeçarit.

Mesfushori i talentuar i Përfaqësues së Kosovës në futboll U-21, Vesel Limaj, ka nënshkruar kontratë profesionale me ekipin austriak SV Horn.

Limaj në ekipin austriak ka kaluar nga skuadra gjermane Hamburg.

Notts County e ka huazuar 19-vjeçarin e Arsenalit, Marc Bola, deri në fund të sezonit.

Talenti i Evertonit, Steven Kinsella, i është bashkuar Dundalkut deri në fund të sezonit.

Anësori 18-vjeçar, e kaloi gjysmën e dytë të sezonit të kaluar në Saint Patrick’s Athletic, ku realizoi 10 paraqite.

Wolves ka nënshkruar me Ben Marshall nga Blackburn për një shifër të pa bërë publike, dhe ka lidhur kontratë deri në vitin 2020.

Skuadra e Chelseat ka vendosur ta mbaj Nathan Ake, duke mos e pranuar ofertën prej 18 milionë funtesh të Bournemouthit.

Hull City ka nënshkruar me Alfred N’Diaye nga Villarreal me huazim deri në fund të sezonit.

Bury e ka transferuar mbrojtësin e majtë të Wolves, Sylvain Deslandes, si huazim deri në fund të sezonit.

Pas rekordeve të fitimeve në vitin e 12 radhazi mbi sponsorizimet dhe të drejtat televizive, Bundesliga arrin një tjetër rekord të pashënuar më parë.

Ekipet gjermane të futbollit tejkaluan rekordin e shpenzimeve në afatin dimërore duke shkuar mbi 100 milionë euro blerje, një pjesë të mirë të të cilëve ishin për baste ende të pafituar si të rinjtë Leon Bailey dhe Alexander Isak. Detajet…

Ajaxi ka ofruar Neres David Campos nga Sao Paulo për 12 milionë euro.

Ai ka nënshkruar deri më qershor 2021.

Ka dështuar transferimi i Andros Townsend nga Crystal Palace te Newcastle – njofton Sky.

Rafa Benitez shpresonte se do të siguronte shërbimet e mesfushorit, por duket se gjithçka ka dështuar në momentet e fundit.

Mbrojtësi i Liverpoolit, Mamadou Sakho, është bashkuar me skuadrën e Crystal Palace me anë të huazimit deri në fund të sezonit.

Jordan Green ka nënshkruar për Leyton Orient duke u larguar nga Bournemouthi në formë huazimi deri në fund të sezonit.