Lippi: Juventusi e ka gjetur tashmë trajnerin e ri, Sarri ose Pochettino  

Marcello Lippi ka thënë se trajneri i ri i Juventusit vjen nga një klub i përfshirë në finalet evropiane – Maurizio Sarri ose Mauricio Pochettino.

Max Allegri u largua javën e kaluar, pavarësisht se i kishte mbetur edhe një vit në kontratën e tij dhe e fitoi titullin e tetë me radhë të Serie A për Juven.

“Një klub i mirëfilltë si Juventusi, e ka pasuesin e Allegrit, por është një vendim i vështirë për tu publikuar, pasi duhet të mbyllen edhe disa gara”.

“Do të shohim nëse trajneri i ri vjen nga ata që janë të përfshirë në Finalet angleze, atëherë do të kuptojmë arsyen e vonesës së njoftimit”.

Lexo po ashtu Juventusi bën hapa para për Sarrin

“Këtë vit klubet angleze janë më të mirat në Evropë, por këto gjëra shkojnë me cikle”.

“Mendoj se Sarri ka një shans të madh për të fituar Ligën e Evropës, njëjtë ka edhe Pochettino, familja e të cilit është nga Piemonte”.

Sarri me Chelsean e tij luan në finalen e Ligës së Evropës kundër Arsenalit.

Mauricio Pochettino në anën tjetër është në finalen e Ligës së Kampionëve ndaj Liverpoolin më 1 qershor. /Telegrafi/