Limaj: Vuçiqi me retorikë luftënxitësi si Millosheviqi, po përgatitet ta destabilizojë rajonin

Zëvendëskryeministri i Kosovës, Fatmir Limaj, ka thënë se presidenti serb, Aleksandër Vuçiq me retorikën e tij luftënxitësi si ish shefi i tij Sllobodan Millosheviq, duke i frikësuar qytetarët serb dhe duke fajësuar gjithë botën, si duket po përgatitet ta destabilizoj rajonin.

Limaj ka thënë se Vuçiq është duke i përdorur bashkëqytetarët  serb të Kosovës, duke i dhënë presion për t’i shërbyer qëllimeve të tij politike.

Sipas tij është shkolla e Milloshevqit që Vuçiq më shumë përkushtim po mundohet ta imitoj ish shefin e tij çdo gjë.

“Shtirja e tij e alarmuar për platformën tregon më së miri se sa larg është ai nga realiteti. Kosova pas tre muajve mbush 20 vjet që është e lirë. Ndërsa para afro një muaji festuam 11-vjetorin e Pavarësisë.

Në platformën e miratuar një ditë më parë në Kuvendin e Kosovës nuk ka asgjë tjetër përveç përshkrimit të këtij realiteti që sot ekziston”, ka shkruar Limaj në llogarinë e tij në ‘Facebook’.

Limaj e ka porositur Vuçiqin ta pranoj realitetin e krijuar tash e dy dekada në këtë pjesë të Ballkanit.

Postimi i plotë i Limajt:

Presidenti serb, Aleksandër Vuciq, me retorikë luftënxitëse si ish-shefi i tij Millosheviqi, duke i frikësuar qytetarët serbë dhe fajësuar gjithë botën, si duket po përgatitet ta destabilizojë rajonin, gjithmonë duke i përdorur bashkëqytetarët tanë serbë të Kosovës, të cilët janë në presion për t’i shërbyer qëllimeve të tij politike.

Me paralajmërimet  e vazhdueshme se do të marrë masa duke përcaktuar afate kohore, tregon se ai po tenton t’i përdorë edhe këtë herë serbët e Kosovës për interesa të veta.

Në fakt, kjo është shkolla e Millosheviqit që Vuçiq me shumë përkushtim po mundohet ta imitojë ish shefin e tij në çdo gjë.

Shtirja e tij e alarmuar për platformën tregon më së miri se sa larg është ai nga realiteti.

Kosova pas tre muajve mbush 20 vjet që është e lirë. Ndërsa para afro një muaji festuam 11-vjetorin e Pavarësisë.

Në platformën e miratuar një ditë më parë në Kuvendin e Kosovës nuk ka asgjë tjetër përveç përshkrimit të këtij realiteti që sot ekziston.

Porosia ime për të është ta pranojë realitetin e krijuar tash e dy dekada në këtë pjesë të Ballkanit.