Victor Osimhen është zbulimi i këtij edicioni në kampionatin francez Ligue 1.
Sulmuesi i talentuar francez ka bërë paraqitje jashtëzakonisht të mira, gjë që ka zgjuar interesimin e skuadrave të mëdha evropiane.
21-vjeçari ka shënuar 18 gola në të gjitha garat, teksa ka bërë edhe nëntë asistime.
Duke marrë parasysh krizën që e ka kapluar klubin francez për shkak të coronavirusit, Lille ka vendosur ta nxjerr në shitje yllin e tyre.
Skuadra franceze i ka njoftuar ekipet e interesuara për Osimhen se duhet të paguajnë 75 milionë euro për ta lënë të lirë atë.
Bayern Munich është ndër skuadrat e para që ka shprehur interesim për lojtarin, por vështirë se bavarezët do të paguajnë një shumë të tillë, kur në skuadër si qendërsulmues kanë Robert Lewandowskin.
Victor Osimhen. (Photo by Naomi Baker/Getty Images)
Kësisoj e ardhmja e nigerianit duket se do të jetë në Ligën Premier,ku Chelsea dhe Manchester United kanë shprehur interesim.
Edhe kampioni në fuqi i Evropës, Liverpool është në garë për transferimin e sensacionit të Ligue 1. /Telegrafi/
