Lila Moss tërhoqi vëmendjen në darkën e ‘Frame’ në Chateau Voltaire gjatë Javës së Modës në Paris, ku u bashkua me Jessica Alba dhe Sienna Miller.
22-vjeçarja, vajza e supermodeles Kate Moss, u shfaq me një pamje të guximshme, e veshur me pantallona të ngushta lëkure, një triko të zezë transparente dhe një xhaketë me dizajn leopardi.
Kombinimi i saj u plotësua me taka të zeza Christian Louboutin dhe një çantë elegante.
Jessica Alba, 43 vjeçe, shkëlqeu me një fustan të zi elegant, të kombinuar me taka dhe një xhaketë të zezë, ndërsa Sienna Miller, po ashtu 43 vjeçe, zgjodhi një jelek saten të shkurtë dhe xhinse të bardha të ulëta, shkruan DailyMail.
Ajo u shoqërua nga partneri i saj, Oli Green, i cili u shfaq në një stil të relaksuar me xhinse dhe një xhaketë lëkure.
Ngjarja ishte një nga mbrëmjet më të përfolura të PFW, duke mbledhur fytyra të njohura nga bota e modës dhe kinemasë. /Telegrafi/
