Ligue 1 ia ndalon Neymarit dhe Marquinhos të marrin pjesë në festën e titullit të PSG-së

Paris Saint Germain është kampion i padiskutueshëm në Ligue 1 edhe këtë edicion, pasi ka siguruar javë më parë titullin.

Kryeqytetasit francez do ta pranojnë titullin vetëm ditën e sotme (e shtunë) para adhuruesve të vet.

PSG do të jetë nikoqir i Dijonit që është në kërkim të pikëve, por pa marrë parasysh rezultatin në fund të ndeshjes FFF do t’ia dorëzojë trofeun parisienëve.

Në këtë moment do të mungojë ylli më i madh i PSG-së, braziliani Neymar si dhe bashkëkombësi i tij Marquinhos.

Lexo po ashtu Paris Saint-Germain

Neymar u dënua me tri ndeshje moslojë pas goditjes që i dha tifozit pas finales në Kupën e Francës, ndërsa Marquinhos është i skualifikuar pas kartonit të kuq javën e kaluar ndaj Angers.

Rregullorja e Federatës së Futbollit francez thotë se përderisa një futbollist të jetë i dënuar nuk duhet të futet as në fushë derisa ka një aktivitet sportiv.

Ceremonia e ndarjes së medaljeve dhe dorëzimi i trofeut sipas FFF është një aktivitet dhe Neymar nuk do të lejohet të zbret në fushë.

Lexo po ashtu Nga Barcelona te Real Madrid, Juventus e Bayern Munich, si do të duken gjigantët evropianë me transferimet e mundshme në edicionin e ardhshëm

Kësisoj sulmuesi brazilian së bashku me Marquinhos do të mund t’i ndjekin vetëm nga tribuna shokët e skuadrës teksa festojnë titullin.

Natyrisht Neymar e Marquinhos do t’i bashkohen pjesës tjetër të skuadrës me të dalë nga stadiumi Parc de Princes. /Telegrafi/