Lewandowski ishte i Genoas në vitin 2010, si ndodhi që dështoi transferimi

Ish-drejtori sportiv i Genovas, Stefano Capozucca ka treguar se si ai pothuajse kishte nënshkruar me Robert Lewandowskin në vitin 2010.

Lewandowski ishte duke luajtur akoma në Poloni me klubin Lech Poznan, dhe Capozucca pretendon se ai pothuajse kishte kaluar te Genoa, por presidenti Enrico Preziosi ishte ai që ndërpreu gjithçka.

“Marrëveshja u bë për Lewandowskin në 2010”.

“[Gian Piero] Gasperini e njihte mirë. Ai ende duhej t’i nënshtrohej një testi mjekësor, por më pas presidenti ndërpreu gjithçka”.

31-vjeçari ka vazhduar pastaj në Gjermani ku ka shënuar 303 gola për Borussia Dortmundin dhe Bayern Munichin.

Rossoblu nuk e bëri të njëjtin gabim disa vjet më vonë, duke blerë Krzysztof Piatek nga Cracovia për vetëm 4 milionë euro në qershor 2018, para se ta shiste atë në Milan për 30 milionë euro.

Sidoqoftë, Capozucca lavdëroi Preziosin për nënshkrimin me Diego Militon në 2004, kur e mori nga Racing Club në Argjentinë.

Sulmuesi shënoi 60 gola për Rossoblu në dy sezone, para se të bashkohej me Interin. /Telegrafi/