As Lewandowski dhe as Haaland, Paul Merson mendon se Kane është sulmuesi më i mirë në botë

Sulmuesi i Tottenhamit, Harry Kane është cilësuar si qendërsulmuesi më i mirë në botë përpara Robert Lewandowskit të Bayern Munich dhe Erling Haaland të Borussia Dortmund nga ish-lojtari i njohur anglez, Paul Merson.

Marrëveshja aktuale e Kane do të skadojë në vitin 2024, por e ardhmja e tij në klub mbetet në dyshim mes mungesës së trofeve nga Tottenham.

Reprezentuesi anglez tashmë është vlerësuar nga tifozët si lojtari më i mirë në futboll që nuk ka fituar asnjë trofe të madh në karrierën e tij.

Kështu, legjenda e Arsenalit, Merson, 52 vjeç, ka thënë se ai dëshiron ta shohë Kane duke mbyllur karrierën duke fituar gjëra sepse ai është një lojtar i veçantë.

“Mendoj se ai është qendërsulmuesi më i mirë në botë”, ka thënë fillimisht Merson, i cili tani luan rolin e ekspertit tek Sky Sport.

“Unë dua të shoh Harry Kane të përfundojë karrierën e tij duke fituar gjëra sepse ai është një lojtar i veçantë”.

“Në fund të karrierës tuaj, ju doni të shikoni prapa në gjërat që keni fituar. Tottenhami është një klub i shkëlqyeshëm dhe i drejtuar mirë, por nuk jam i sigurt se ai do të jetë në gjendje të bëjë atje”, përfundoi ish-legjenda e Arsenalit. /Telegrafi/