Lëvizja për Reforma – PDSH reagon ndaj keqtrajtimit të të paraburgosurve të rastit të Kumanovës

Lëvizja për Reforma – PDSH ka reaguar ndaj njoftimeve për keqtrajtimin e të paraburgosurve të rastit të Kumanovës. Në komunikatën drejtuar Telegrafi Maqedoni nga Lëvizja për Reforma – PDSH thuhet ”Reagojmë ndaj sjelljes jo njerëzore dhe trajtimit shtazarak ndaj personave qe ndodhen në paraburgim për rastin e Kumanovës”.

Lëvizja për Reforma – PDSH mes tjerash thotë:

”Ne si Lëvizje i bëjmë thirrje institucioneve relevante Avokatit të popullit, Prokurorisë speciale, Ministrisë së drejtësisë, ambasadës së ShBA dhe Zyrës së UE, që sa më shpejtë të ndërhynë dhe të hetojnë rastin dhe gjendjen shëndetsore të të paraburgosurve të rastit të Kumanovës. A e din BDI se avokati i të parabargosurve ditë më parë njoftoi opinionin së të paraburgosurit po trajtohen në mënyrë më brutale, duke ju thyer dhëmbet dhe ekstremitetet. Kërkojmë sa me shpejt informata nga drejtoria e Burgut, Ministria e Drejtësisë dhe BDI t’i pohojne ose t’i demantojnë këta informata të dala nga Avokati Skender Raufi. Në fund kërkojme qe Rastin e Kumanovës sa më parë të marrë nën kompetenca të saja Prokuroria Speciale duke i dhënë përparësi në shqyrtimin të saj përshkak të dyshimeve në implikim të zyrtarëve shtetëror për ta montuar si proces politik.”/Telegrafi/