Lëvizja Besa: Ja arsyet pse nuk do të marrim pjesë në zgjedhjet e 5 qershorit

Lëvizja Besa ka njoftuar opinionin me një komunikatë të drejtuar Telegrafit në Maqedoni se ata nuk do të marrin pjesë në zgjedhjet e 5 qershorit.

Arsyet se pse Lëvizja Besa nuk do të marr pjesë janë:
” -e shpërbërjen e njëanshme të Parlamentit, gjendja politike në vend është tejet serioze dhe në këtë mënyrë është vënë në pikëpyetje edhe e ardhmja euro-atlantike e vendit;

-është devalvuar Marrëveshja e Përzhinës, e arritur falë asistencës së BE-së dhe SHBA-së, ngase nuk janë përmbushur pikat e saj qendrore për pastrimin e listës zgjedhore dhe reformat e nevojshme në media;

-vendimi i Ivanov për të falur vepra të rënda kriminale ka krijuar pasoja serioze politike për vendin, ngase kështu de facto është bërë tentim për ta suprimuar punën e Prokurorisë Speciale Publike, që ishte arritur me shumë mund dhe ndihmë të bashkësisë ndërkombëtare;
-vendimi i Ivanov ka shkaktuar situatë të tensionuar në gjithë vendin, pasojat e së cilës mund të jenë të paparashikueshme dhe fatale edhe për sigurinë dhe paqen në vend,
Duke u bazuar në këtë, Këshilli Qendror konkludoi se në Maqedoni nuk ka as kushte minimale për zgjedhje të lira, korrekte, demokratike e të drejta dhe për këto arsye mori vendim që Lëvizja BESA, në këso kushtesh, të mos marrë pjesë në zgjedhjet e paracaktuara njëanshëm për 5 qershor nga partitë qeveritare VMRO-BDI.” thuhet në arsyetimin e këtij veprimi nga Lëvizja Besa./Telegrafi/