Legjenda e Zvicrës ofendon Xhakën: Bën ndërhyrje idiote, duhet ta telefonon Behramin

Granit Xhaka nuk po luan ndeshjet e fundit me Arsenalin pasi është dënuar pas kartonit të dytë të kuq në Ligën Premier.

E falë lojës së ashpër, Graniti ka marrë kritika të mëdha jo vetëm në Angli por edhe nga Zvicra.

Së fundmi legjenda e Përfaqësueses së Zvicrës, Kubilay Turkyilmaz e ka kritikuar ashpër prishtinasin për ndërhyrjet e tij duke e quajtur edhe idiot.

“Nuk ke se si mos ta fajësosh Xhakën, pasi nëntë kartonë të kuq në tri vite janë shumë edhe për një mesfushor agresiv siç është ai”.

“Xhaka zakonisht bënë ndërhyrje të rënda edhe në zonën kundërshtare ku nuk janë faulle taktike për ta ndihmuar skuadrën por ndërhyrje idiote”, ka thënë Turkyilmaz.

49-vjeçari ka thënë se Graniti duhet ta telefonoi Behramin për ta pyetur për ndryshimin e madh të tij.

“Nëse Xhaka ka menduar se Liga Premier e lejon të bëjë ndërhyrje më të shpeshta se në Gjermani, ka gabuar rëndë. Së fundmi gjyqtarët në Angli janë bërë më strikt”.

“Xhaka është në presion të jashtëzakonshëm dhe po shfryhet duke bërë ndërhyrje idioteske por edhe jashtë fushës incidente si ai ditë më parë në aeroport”.

“Ndoshta Graniti duhet ta telefonoi Behramin për ta pyetur rreth ndërhyrjeve, pasi Valoni është përmirësuar dukshëm nga Italia në Angli kur bënte ndërhyrje të ashpra”, tha Turkyilmaz. /Telegrafi/