Ledri bashkë me Butën edhe në koncerte, të premtën vjen goditja e madhe e tyre (Foto)

Ledri Vula së fundmi është shumë i zënë me turneun e tij veror.

Superylli i hip hopit megjithatë nuk është vet në këtë rrugë.

Teksa menaxheri i tij, Faton Shoshi, është shumë i zënë me Erën, Ledrin në koncerte e shoqëron reperi i ri, Buta, i cili është mjaft i dashur në mesin e adhuruesve të hip hopit për tekstet e tij dhe këngët që i ka bërë kryesisht të zhanrit ‘underground’ të hip hopit.

Megjithatë, tash Buta po shfaqet nëpër koncerte duke ndezur atmosferat nëpër qytete të ndryshme bashkë me Ledrin.

Lexo po ashtu Lajmet e fundit nga estrada shqiptare

Tashmë sipas disa informacioneve dyshja kanë kryer edhe këngën e re së bashku dhe së shpejti pritet të vijnë me një projekt të madh, që do ta katapultojë Butën në majen e hip hopit shqiptar.

Ledri aktualisht po shijon sukesin e këngëve “Nona” dhe “U Harrum”, por reperi ndjen se për këtë verë nuk e ka kryer punën ani pse edhe “Pablo” dhe “Krejt Shokt e Mi” po dëgjohet mjaft shumë nga publiku.

Që të dy artistët janë pjesë e kompanisë Nesër Music që drejtohet nga Faton Shoshi. Projekti i tyre “Mbi Re” lansohet të premtën. /Telegrafi/