Lampard: Përfundojmë në katërshe, duam të luajmë në Ligën e Kampionëve çdo vit

Trajneri i Chelseat, Frank Lampard këmbëngul që ekipi i tij mund të përfundojnë në top katër në sezonin e ardhshëm në Ligën Premier.

Pavarësisht nga ndalimi në dy afatet e radhës së transferimeve, Chelsea e ka bërë të përhershëm huazimin e Mateo Kovacic nga Real Madridi për 45 milionë euro.

Blutë gjithashtu do ta kenë në dispozicion edhe amerikanin Christian Pulisic pas nënshkrimit nga Borussia Dortmund për 65 milionë euro në janar, i cili mbeti i huazuar deri tani në Bundesliga.

Lexo po ashtu Fjalët e para të Lampardit si trajner i Chelseat: Jam jashtëzakonisht krenar, mezi pres të filloj punën

Me këto dy përforcime dhe me disa lojtarë të kthyer nga huazimi, Lampard këmbëngul se skuadra e tij do të përfundoj në katërshe të Ligës Premier.

Day two in Dublin. 🇮🇪

Let’s get to work! 💪#CFCinDublin pic.twitter.com/Cjz5zlAg9R

— Chelsea FC (@ChelseaFC) July 6, 2019

“Kam luajtur këtu për shumë vite dhe e di se ka standarde. Duam të luajmë në Ligën e Kampionëve çdo vit”, ka thënë fillimisht Lampard.

“Kjo është diçka që duhet të na intrigojë të gjithëve – mua dhe lojtarëve”.

Lexo po ashtu Si do të luajë mesfusha e Chelseat nën drejtimin e Frank Lampard në sezonin 2019/20 – tri mundësi me tre formacione të ndryshme

“Atyre nuk iu kam thënë se ky është objektivi, pasi mendoj se ata kanë vet nevojë për të”.

“Është shumë e qartë se në përgjithësi, duke përjashtuar disa sezone në vitet e fundit, ne jemi një klub që ka arritur të jetë vazhdimisht në top katër ose fitues i ligës”, përfundoi trajneri i Bluve. /Telegrafi/