Lajçak: Samiti i Procesit të Berlinit, mundësi e mirë për të forcuar bashkëpunimin mes shteteve të Ballkanit Perëndimor

Emisari i BE-së për dialogun Kosovë-Serbi, Miroslav Lajçak, ka folur për Samitin e Procesit të Berlinit.

Në llogarinë e tij në Twitter, Lajçak ka thwnw se ky samit ishte mundësi e mirë për të forcuar bashkëpunimin rajonal më të ngushtë dhe gjithëpërfshirës midis gjashtë vendeve të Ballkanit Perëndimor.

“Samiti i sotëm i Procesit të Belinit, ishte një mundësi e mirë për të forcuar bashkëpunimin më të ngushtë dhe gjithëpërfshirës rajonal midis BB6. Po ashtu për të forcuar angazhimin për të ardhmen e tyre, si dhe për të diskutuar çështje urgjente, përfshirë energjinë”, tha Lajçak.

Lëvizja e lirë me letërnjoftime, njohja e kualifikimeve të arsimit të lartë dhe njohja e kualifikimeve profesionale të mjekëve dentistëve dhe arkitektëve, janë tri marrëveshjet të cilat janë nënshkruar nga Kosova, Shqipëria, Maqedonia e Veriut, Mali i Zi, Bosnja e Hercegovina dhe Serbia, në kuadër të Procesit të Berlinit.

Këto marrëveshje hyjnë në fuqi pas kryerjes së procedurave të brendshme të ratifikimit në secilin nga gjashtë shtetet./Telegrafi/

Today’s #BerlinProcess Summit was a good opportunity to
✅ strengthen closer and inclusive regional cooperation among the WB6,
✅reinforce the commitment to their ?? future,
✅ discuss urgent issues, including energy. pic.twitter.com/85rRt2jn5u

— Miroslav Lajčák (@MiroslavLajcak) November 3, 2022