Lady Gaga: U sëmura kur më përdhunuan në moshën 19-vjeçe

Këngëtarja me famë botërore, Lady Gaga, ka dhënë intervistën e parë për vitin 2020.

Ajo ka qenë e ftuara speciale e prezantueses së njohur Oprah Winfrey (65-vjeçe), teksa me të ka folur në lidhje me abuzimin seksual që ajo duroi si adoleshente.

33-vjeçarja ka folur haptazi për problemet shëndetësore që ka momentalisht, duke treguar se vuan nga fibromialgia (sëmundja e dhimbjes së të gjithë trupit) që i shkakton dhimbje shumë të forta nga koka deri tek këmbët.

“Zbulova në sajë të shumë mjekëve se mund të kurohet me terapi të shëndetit mendor. Sëmundja u shfaq pas përdhunimit që pësova kur isha 19-vjeçe, pasi i injorova pasojat dhe e pagova gjithçka me këtë sëmundje”, tha këngëtarja.

“Shëndeti mendor është një gjendje mjekësore. Ai duhet të trajtohet si gjendje mjekësore. Nuk duhet të injorohet”, tha më tej ajo.

“Nëse mjeku juaj po ju përshkruan një ilaç kundër depresionit – kjo nuk duhet të ndodhë. Mjeku juaj duhet të ju prezantantojë me një psikiatër që është ekspert në mjekimin e trurit”, vazhdon Gaga mes të tjerash.

https://www.instagram.com/p/B555PjLlWg6/

Veç tjerash, Lady Gaga ka folur edhe për lidhjen me Bradley Cooper për shkak të afrimitetit të treguar gjatë kohës kur punuan bashkë në filmin “A Star Is Born”: “U treguam vërtetë të zotët, ua hodhëm të gjithëve”. /Telegrafi/