Lady Gaga shënon një tjetër fitore ligjore – nuk do të paguajë dëmshpërblimin prej 500 mijë eurosh për gjetjen e qenve të saj

Lady Gaga më në fund mund të lërë pas vetes sagën e dhimbshme në lidhje me qentë e saj të vjedhur.

Këngëtarja dhe aktorja 37 vjeçare, sipas dokumenteve të siguruara nga revista People, iu hodh përgjithmonë kërkesa e një gruaje për shpërblimin e saj prej 500 mijë eurosh për kthimin e qenve.

Gaga – kujdestari i qenve të së cilës Ryan Fischier u sulmua dhe u qëllua në gjoks gjatë grabitjes – ishte paditur nga Jennifer McBride, e cila pretendoi se i detyrohej shpërblimi për sjelljen e qenve të vjedhur.

Gjykatësja me qendër në Los Angeles, Holly J. Fujie, vendosi të hënën se Gaga (emri i vërtetë: Stefani Germanotta) nuk do të marrë përsipër shpërblimin.

Lexo po ashtu Lady Gaga refuzon të paguajë dëmshpërblimin prej 500 mijë eurosh që e ofroi për gjetjen e qenve të saj

Në korrik, Fujie i kishte dhënë McBride-it 20 ditë për të ndryshuar dosjen e saj pasi fillimisht vendosi se ajo nuk kualifikohej për shpërblimin, pasi nuk pretendoi të ishte e përfshirë në vjedhje.

Në dosjen e saj të ndryshuar, McBride pohoi se ajo nuk ishte ‘në asnjë mënyrë e përfshirë në vjedhje’ dhe ajo tha se ‘mori përsipër’ t’ia kthente qentë aktores së “A Star Is Born”.

Ankesa e McBride është hedhur poshtë me paragjykim, që do të thotë se ajo nuk do të jetë në gjendje të paraqesë një amendament tjetër me shpresën se do ta kalojë atë në sistemin ligjor.

Gaga fillimisht kishte refuzuar t’i paguante McBride-it shpërblimin e kërkuar prej 500 mijë eurosh për shkak të shqetësimeve se ajo ishte përfshirë në vjedhje.

Artistja e famshme shpalli shpërblimin rreth dy vite më parë në kohën edhe kur iu vodhën qentë. /Telegrafi/