Ky stil i flokëve po shpërthen në rrjetet sociale – gjithçka nisi me Sabrina Carpenter

Modeli i flokëve i këngëtares dhe aktores Sabrina Carpenter është bërë trend i madh në rrjetet sociale

Përdoruese të shumta postojnë video të tyre duke prerë balluke në stilin e Sabrinës ose duke i stilizuar ato që të duken si të sajat.

Pra, bëhet fjalë për të ashtuquajturat balluket që ndahen në mes, të cilat janë të njohura prej disa kohësh, por tashmë janë në kulmin e tyre falë popullaritetit në rritje të Sabrina Carpenter, sepse janë një pjesë e dallueshme e imazhit të saj.

Është interesante se modeli i saj tashmë viral ishte rezultat i një ndarjeje me ish të dashurin e saj.

“I preva balluket pas ndarjes së parë të dhimbshme dhe ndjeva nevojën për një ndryshim”, tha ajo në një intervistë për Vanity Fair.

Ky model flokësh u bë një nga tendencat më të mëdha të flokëve dhe ishte shumë aktual para disa sezoneve, transmeton Telegrafi.

Çfarë janë flokët balluke që ndahen në mes?

Bëhet fjalë për balluke të holluara të gjata që zbresin deri në vijën e vetullës apo të veshit dhe ndahen në mes të ballit, në mënyrë që vizualisht të krijojnë një “efekt perde”. Falë kësaj, ato nxjerrin një notë magjepsëse, ndërkohë që sjellin harmoni dhe butësi në pamjen e fytyrës, ndaj nuk është për t’u habitur që pikërisht këto balluke janë (ishin) një zgjedhje e shpeshtë e shumë zonjave të famshme si Farrah Fawcett, Brigitte Bardot, Monica Bellucci e shumë të tjera.

Për shkak të “zhdërvjelltësisë” së tyre, këto balluke u përshtaten të gjitha formave të fytyrës, ndaj nuk ka frikë se nëse vendosni për to, do të pendoheni shumë.

Ajo që është gjithashtu avantazhi i tyre i madh është se, për shkak të gjatësisë së tyre specifike, ato janë shumë më të lehta për tu mirëmbajtur sesa balluket klasike.

Për të stiluar, thjesht ndani balluket ende të lagura në dy pjesë të barabarta, më pas thajini ato me furçë. Për teksturë shtesë, aplikoni pak xhel ose shkumë flokësh, dhe nëse dëshironi, thajini me furçë për t’i bërë ato të zgjasin sa më gjatë. /Telegrafi/