Kush janë “bosët” në fushë te Franca – përgjigjen e jep krahu i djathtë i Deschamps

Me largimin e Hugo Lloris dhe Rapahel Varane, Didier Deschamps vendosi t’i jepte shiritin e kapitenit Kylian Mbappes, një vendim i diskutueshëm pasi të gjithë sytë ishin drejtuar nga Antoine Griezmann, lojtari që në fushë kishte treguar aftësinë më të madhe për të udhëhequr ekipin.

Griezmann ka 127 ndeshje me Francën, ai është i dyti më i vjetër, pas Giroud, i cili me 131 ndeshje del në pension pas Euro 2024.

Por Deschamps ia dha shiritin Mbappes, edhe pse të dy plotësojnë njëra-tjetrën dhe duket se janë referenca më e rëndësishme e grupit, siç ka shkruan “L’Equipe”, pas intervistës Guy Stephan, njeriu i dytë dhe besnik i Deschamps gjatë gjithë karrierës së tij në stol.

“Së pari është kapiteni, Kylian, i cili është unifikuesi dhe që e bën shumë mirë, pastaj Antoine, i cili është pak drejtuesi teknik. Dhe pastaj ka disa lojtarë që mund të flasin në çdo kohë”.

“Për shembull, Kante, është kthyer tek ne, ka përvojë dhe që është kapiteni i ekipit të tij në Arabinë Saudite dhe kemi Olivier (Giroud) që mund të thotë diçka. Pastaj janë Aurelien (Tchouameni) ose Mike (Maignan), i cili ndonjëherë flet në ngrohjes ose gjatë pushimeve”, ka treguar ndihmësi i Deschamps.

Stafi i trajnerit po monitoron nga afër Kylian Mbappen. Është evidente se trajneri po ndryshon sistemin dhe do të luajë 4-4-2 për ta vendosur sulmuesin e Real Madridit më të lirë përpara.

Lexo po ashtu Zbulohen vlerat e lojtarëve në Euro 2024 – Bellingham vlen më shumë se gjashtë shtete pjesëmarrëse

Në këto dy javë përgatitje, ai ka pësuar shqetësime në shpinë dhe një goditje të rëndë në gju.

“Ai mbërriti i buzëqeshur, ai e di shumë mirë se çfarë duhet të bëjë. Ai është dikush që bashkon shumë brenda grupit, ai është kapiteni, ai është me ne që nga viti 2017”.

“Gjithçka duhet të bëni është ta shohësh çdo ditë, duke bërë shaka në tavolinë, mund të shohësh që ai ndihet mirë dhe kur je i tillë është më e lehtë të japësh më të mirën”, deklaroi Stephan.

Franca është në grup me Holandën, Poloninë dhe Austrinë./Telegrafi/