Kryetari i Lëvizjes Vetëvendosje, Albin Kurti ka uruar Bedri Hamzën, i cili ditë më parë u zgjodh kryetar i Partisë Demokratike të Kosovës.
Kurti në një postim në Facebook shkruan se do të vazhdoj angazhimin për bashkëpunim korrekt.
Lexoni të plotë postimin:
I shpreh urimet e mia, Bedri Hamzës për zgjedhjen e tij në detyrën e kryetarit të Partisë Demokratike të Kosovës.
Proceset zgjedhore brenda partisë, por edhe bashkëpunimi i ndërsjellë i spektrit të gjerë politik, çdo herë në të mirë të interesit publik, janë parime themelore për funksionimin dhe avancimin e shtetit tonë.
Nga ana ime, do të vazhdoj angazhimin për bashkëpunim korrekt, në përputhje me vullnetin e qytetarëve, dhe me përgjegjësitë që na i kërkon shërbimi ndaj Republikës./Telegrafi/
