Kurti-opozitës: Për besë jam në hall me ju, emisarët më thanë mos me tregu draftin – tash a po doni me koordinim a pa koordinim?

Kryeministri i vendit, Albin Kurti i është përgjigjur disa pyetjeve të deputetëve nga opozita.

Kurti në seancën e sotme të Kuvendit të Kosovës ka thënë se emisarët i kanë kërkuar atij që mos ta bëj publike draft statutin.

Ai po ashtu iu drejtua deputeteve opozitar duke i thënë që është në “hall me ta”.

Lexo po ashtu "Nuk është Zajednica", Kurti pyet PDK dhe LDK pse Vuçiqi nënshkroi me juve e jo me mua

“E kuptoj kërkesën e juaj që ta shihni draftin, por emisarët më thanë që mos t’ua tregoj draftin. Tash si thoni ‘a me koordinim, a pa koordinim’. Unë  e kam nda me presidenten e shtetit. Ata kanë kërku që mos të publikojë draftin. Me bo me ua tregu draftin, i bien pa koordinim. Për besë jam në hall me ju”, ka thënë Kurti.

Kryeministri i vendit po ashtu tha se “Drafti i emisarëve është i marrëveshjeve 2013 dhe 2015, mirëpo ky draft është pa krahasueshëm më i mirë se i atyre viteve.

E kam pranuar draftin fizikisht, dhe elektronikisht. Ia kam dërguar vërejtjet për draft. Serbia nuk është shtet normal, e unë nuk dua ta normalizoj Serbinë por të normalizojë marrëdhëniet.

Unë raportoj para jush, e jo para ambasadorëve. Ata i kam thirrur në një raport njoftues e kanë marr shumë pak, nga ajo që është thënë këtu”. /Telegrafi/