Kur jemi duke fjetur mund të mësojmë një gjuhë të huaj, e pohon shkenca

Ndërsa ne nuk mund të punojmë ose gatuajmë saktësisht në të njëjtën kohë, truri ynë është shumë aktiv teksa jemi në gjumë

Truri ynë përpunon vazhdimisht informacione, madje edhe gjatë gjumit të thellë dhe hulumtimet e reja tregojnë që në të vërtetë mund të jetë e mundur të mësojmë informacione të reja ndërsa ne flemë, sipas një studimi gjerman të botuar në Current Biology.

Informacioni i mësuar më parë mund të mbahet mend gjatë gjumit të thellë, kështu që shkencëtarët parashikuan që mund të ishte e mundur të përvetësohej gjithashtu informacion i ri.

Të udhëhequr nga Katharina Henke, Marc Züst dhe Simon Ruch nga Instituti i Psikologjisë në Bern, një ekip shkencëtarësh testuan nëse ishte e mundur të mësohej një gjuhë të re gjatë gjumit.

Është e vështirë të përcaktosh gjendjet e vetëdijes siç janë gjumi dhe zgjimi. Truri ynë alternon midis dy fazave përafërsisht çdo gjysmë sekondë faza aktive dhe faza pasive, të njohura gjithashtu si “gjendje të ulëta”.

“Ishte veçanërisht interesante që fushat gjuhësore dhe hipokampusi, të cilat normalisht rregullojnë mësimin e gjuhës ndërsa jemi zgjuar gjithashtu u aktivizuan kur mësuan fjalorin e mësuar në gjumë të thellë”, tha bashkëautori i studimit, Marc Züs, në një njoftim për shtyp.

“Duket se këto struktura rregullojnë formimin e kujtesës pavarësisht nga çdo gjendje të vetëdijes në të cilën jemi, qoftë në mënyrë të pandërgjegjshme në gjumë ose me vetëdije ndërsa jemi zgjuar”, vijoi ai.

Pra, duket se gjumi nuk është një gjendje ku ne jemi të mbrojtur nga bota e jashtme, siç u pranua gjerësisht në fushën e kërkimit të gjumit! Kjo do të thotë se mësimi i sofistikuar është i mundur. /Telegrafi/