Kur e kuptuan se vendi i tyre po mbyll kufijtë dhe po izolohet nga COVID-19, blenë biletat njëdrejtimëshe – çifti britanik po shijojnë karantinimin në Bali

Një familje katër anëtarëshe nga Britania e Madhe janë izoluar në një shtëpizë idilike të punuar nga druri i bambusë në Bali, pasi u larguan nga Britania në momentin që dëgjuan për krizën e coronavirusit.

Corinne Pruden, 39-vjeçe dhe bashkëshorti i saj Dave, 49, kishin blerë biletat njëdrejtimëshe, duke marrë me vete binjakët në ditën e 16 marsit – tetë ditë para se Britania e Madhe të futej në karantinë, transmeton Telegrafi.

Dyshja jetojnë prej pesë viteve në Budapest të Hungarisë, ku kanë një kafiteri. Por, një ditë vendosën t’ia vënë drynin apartamentit që t’i kalojnë afro 6 muaj nëpër Amerikën e Jugut, para se virusi të godiste botën.

Para se të niseshin ata kishin shkuar në Britani që të përshënden me familjarët kur  befasisht SHBA-të ndaluan të gjithë fluturimet nga jashtë, që do të thotë se planet e tyre për udhëtim u prishën.

Duke folur për Sky News, Dave tha se kishin planifikuar të fillojnë “aventurën”, por kur e kuptuan se nuk  do të munden të shkojnë vendin e tyre të preferuar, ndërruan destinacion në momentet e fundit dhe u nisën me aeroplan për në Denpasar të Balit.

“Fluturimet jonë u anuluar, kafiteria jonë Goat Herder u mbyll dhe duke parë se ballafaqoheshim me izolim, thamë me vete se duhet të bëjmë diçka. Kështu rezervuam biletat në ditën kur u anulua udhëtimi ynë për në Amerikën e Jugut dhe u nisëm për në Bali”, shtoi Dave.

Ndërkaq partnerja e tij Corinne pranoi se qëndrimi në Britani ka qenë për ata i papërshtatshëm, në veçanti nëse do të qëndronin me prindërit në kohën e pandemisë, kurse marrja me qira e ndonjë apartamenti në Evropë u kushtonte shtrenjtë – kështu vendosën të shkojnë në Indonezi.

“Bali ishte opsioni ynë edhe pse brengoseshim shumë për shëndetin tonë, por ishte një mundësi e mirë për ne, të qëndrojmë diku që nuk do të na kushtonte shtrenjtë – të rrethuar nga natyra dhe djemtë tonë, të izoluar nga familjarët duke u siguruar të qëndrojmë sa më larg të tjerëve me shpresën se do t’i mbijetojmë kësaj pandemie”, shtoi ajo. /Telegrafi/