Ku është zhdukur Gabigol, Interi për të pagoi 30 milionë euro

Interi shpenzoi 30 milionë euro në orën e fundit të afatit kalimtar veror, por askush nuk ja ka parë ende fytyrën.

16 minutat në ndeshjen me Bologana ishin të pamjaftueshme për të kuptuar se çfarë di të bëjë braziliani.

Bëhet fjalë për Gabriel Barbosan, i ashtëquajturi Gabigol, që vazhdon të jetë një huaj që qëndron në shtëpinë e Interit.

Që nga pasditja e 25 shtatorit(ndeshja me Bolognan) mediat në Itali, por edhe të gjithë tifozët e Interit kërkojnë të kuptojnë se çfarë di të bëjë Gabigol, ai futbollist që u ble më shumë bujë nga skuadra zikaltër, në konkurrencë me më të mëdhatë e Evropës.

Lexo po ashtu Këta janë futbollistët që u transferuan te rivali i urryer, nuk shihen më me sy nga tifozët (Video)

Trajneri i shkarkuar Frank De Boer është justifikuar disa herë, duke thënë se nuk ka kondicionin e duhur dhe ende nuk është përshtatur me futbollin evropian.

Të njëjtën gjë e ka konfirmuar edhe drejtori teknik i skuadrës dhe tani është shfaqur ideja e huazimit. Sipas burimeve pranë klubit zikaltër mendohet që në afatin e janarit braziliani të lëshohet me huazim, mundësisht në një skuadër në Serie A, për t’u ambientuar me ritmin e futbollit italian.

Por përpara këtij vendimi do të pritet edhe opinioni i trajnerit të ri.