KSHZ me simulim: Si do të votojnë qytetarët gjatë kohës së pandemisë

Komisioni Shtetëror Zgjedhor kreu një simulim të procesit të votimit për të mërkurën e ardhshme në përputhje me protokollet e shëndetit dhe sigurisë të zbatuara për shkak të Covid-19, përcjell Telegrafi Maqedoni.

Protokollet parashikojnë mbajtjen e maskës që do të hiqet vetëm gjatë identifikimit, mbajtjes së distancës, hyrjes në dhomën e votimit të po aq qytetarëve sa ka vende për të votuar. Nuk do të ketë stilolaps të veçantë për secilin votues, do të pritet në radhë prej dy metrash dhe do të ketë dezinfektim të detyrueshëm të duarve.

Qytetarët nuk do të lejohen të votojnë me maska ​​që mbajnë emblemat e partive politike, pasi kjo do të trajtohet si ndikim në vendvotim, i cili është i ndaluar me ligj.

KSHZ gjithashtu njoftoi se qytetarët do të mund të votojnë me pasaporta, vlefshmëria e të cilave ka skaduar gjatë gjendjes së jashtëzakonshme.

Qytetarët që janë në vetizolim dhe të infektuar me coronavirus do të votojnë më 13 korrik. Deri më tani, 137 persona kanë aplikuar për ditën, por regjistrimi është i hapur deri në mesnatën e sotme./Telegrafi/