Kryeziu-Hyseni: Mospërfshirja e Aliut në listën e LVV ishte zgjedhje personale e tij

Listat e kandidatëve për deputetë për zgjedhjet e 9 shkurtit po komentohen gjerë e gjatë se kush u përfshi e kush u la jashtë listave.

Lëvizja Vetëvendosje, nuk përfshiu në listë dy nga figurat e saj, zëvendëskryeministrin Besnik Bislimi si dhe ministrin Liburn Aliu si dhe disa deputetë të tjerë.

Por, deputetja e Lëvizjes Vetëvendosje, Arbëreshë Kryeziu-Hyseni tha për RTV21 tha se mos përfshirja e Bislimit dhe Aliut dhe të deputetëve të tjerë ka qenë zgjedhje personale e tyre dhe nuk ka ndonjë arsye tjetër.

“Besnik Bislimi nuk ka qenë pjesë e listës as në zgjedhjet e kaluara, përndryshe është shef i shtabit zgjedhor të LVV-së tashmë e disa procese. Po mendoj që kjo ka qenë zgjedhje personale e profes”, tha Kryeziu.

“Njëjtë sikurse edhe kandidatëve të tjerë përfshirë edhe e ministrin Liburn Aliu, dhe të tjerëve dhe nuk është se ata janë lënë jashtë listës për ndonjë arsye pse subjekti politik mund të mos të kishte qenë i kënaqur apo diçka tjetër me punën e tyre”, shtoi ajo.

Lexo po ashtu Shtatë deputetë të LVV-së dhe dy ministra nuk përfshihen në listën për zgjedhjet e 9 shkurtit

“Jemi të vetëdijshëm të gjithë për pozicionin që ka aktualisht z. Bislimi të zëvendëskryeministrit të parë dhe udhëheqës i negociatave me Serbinë dhe kontributin tij ka qenë i jashtëzakonshëm në dialog dhe vazhdon deri në fund mandatit njëjtë sikurse edhe puna e ministrit Aliu prandaj këtu ka qenë një lloj tendence për tu dhënë ky kuptimi që kjo ndoshta ka qenë arsyeja që këta dy janë lënë jashtë liste. Por nuk janë lënë jashtë listës thjesht besoj ka qenë zgjedhje personale e tyre për të mos qenë pjesë e listës kësaj here, por për të qenë aty gjithmonë të gatshëm për të kontribuar për fitoren e radhës të LVV”.

“Unë besoj se s’ka mbete jashtë listës asnjë deputet që është deputet aktualisht. Sepse lista s’ka pasur vend për ta, unë besoj se kushdo që është jashtë listës sot ka qenë zgjedhje e tyre për arsye të ndryshme qe mund t’i pyesni ata”, tha mes tjerash Kryeziu.