Kryetari i Gjilanit reagon për incidentin e shëmtuar, aty ku u shkelmua portieri i Ballkanit nga tifozët

Kryetari i Gjilanit, Alba Hyseni ka reaguar për incidentin që ndodhi në ndeshjen e klubit me Ballkanin në kuadër të javës së 27-të në BKT Superligën e Kosovës.

Ishte duke u zhvilluar minuta e fundit e takimit, kur Enea Koliçi shënoi me kokë, për t’i barazuar shifrat 1-1.

Nga festa e tepruar, tifozët u futën në fushë dhe sulmuan portrierin e klubit nga Theranda, Stivi Frashëri.

Lexo po ashtu Dalin pamjet nga gjendja e portierit që u godit me shkelm në kokë nga tifozët e Gjilanit

Në lidhje me incidentin, kreu i komunës së Gjilanit, Hyseni ka shprehur keqardhje dhe i ka uruar gardianit të Ballkanit shërim të shpejtë:

Në Gjilan po zhvillohej sot njëra prej ndeshjeve më të mira të sezonit në futbollin tonë. Gjilani përballë Ballkanit të Suharekës në ndeshjen përcaktuese për titull. Gjithçka shkoi për së mbari deri në momentin kur filloi përleshja ne fushë, për më keq u sulmua edhe portieri i Ballkanit, Stivi Frashëri.

Lexo po ashtu Gjilani del me njoftim zyrtar për ndeshjen e ndërprerë me Ballkanin

Shpreh keqardhjen time për këtë që ndodhi sot në Gjilan dhe Frashërit i uroj shërim të shpejtë.

Skena të tilla nuk duhet të shohim askund, aq më tepër në sport. /Telegrafi/