Kryeparlamentarja ​Osmani sot mban konferencë për media

Kryetarja e Kuvendit të Kosovës, Vjosa Osmani, sot mbanë konferencë për media.

Tema e konferencës nuk është bërë e ditur, por ajo mbahet me fillim nga ora 12:00.

Ndryshe, një ditë më parë Osmani ka takuar ambasadorët e QUINT-it.

Në njoftimin për media është thënë se ajo i ka informuar ambasadorët për hapat që do t’i ndërmarrë si kryetare e Kuvendit për mbrojtjen e integritetit institucional të Kuvendit, mbrojtjen e stabilitetit dhe të demokracisë në vend, si dhe respektimin e Gjykatës Kushtetuese si e vetmja instancë e cila mund ta interpretojë kushtetueshmërinë e veprimeve të institucioneve. ​

Po një ditë më parë presidenti Hashim Thaçi i ka dhënë sot mandatin Avdullah Hotit nga LDK-ja që të formojë qeverinë e re, kurse Lëvizja Vetëvendosje ka dërguar dekretin e presidentit për mandatar në Gjykatën Kushtetuese, duke e konsideruar si të jashtëligjshëm dhe antikushtetues.

Lidhja Demokratike e Kosovës ka bërë të ditur se ka votat për formimin e Qeverisë së re, ndërsa kanë deklaruar po ashtu se kanë dorëzuar kërkesë për seancë të jashtëzakonshme të cilën kanë kërkuar ta mbajnë të shtunën nga ora 13:00. /Telegrafi/