Edhe kryeministri i Maqedonisë së Veriut, Oliver Spasovski do t'i nënshtrohet testimit për Covid-19.
Këtë e tha ministri i Shëndetësisë, Venko Filipçe në konferencën për shtyp, njofton Telegrafi Maqedoni.
Filipçe tha se anëtarët e Qeverisë që ishin në mbledhje në Shtabin e Krizës në Kumanovë dhe që ndodhen në izolim ende nuk janë testuar për Covid-19.
Kryetari i Kumanovës, Maksim Dimitrievski dhe anëtarë të shtabit të krizës tashmë kanë rezultuar pozitiv ndërsa Kumanova tashmë disa javë është qyteti i dytë me më së shumti të infektuar me coronavirus./Telegrafi/
