Sezoni i pestë i serialit të njohur të Netflix-it, "You", me protagonist Penn Badgley, filloi transmetimin më 24 prill.
Ashtu si çdo sezon i mëparshëm, ky u bë shpejt më i shikuari në shumë vende.
Reagimet e para nga kritikët janë pozitive dhe fundi i serialit ka ngjallur kuriozitet të madh tek publiku dhe ka ndarë opinionet.
Sezoni i fundit i serialit zhvillohet afërsisht tre vjet pas ngjarjeve në fund të sezonit të katërt.
Joe Goldberg tani jeton një jetë të qëndrueshme në martesë me Kate Lockwood, me të cilën po rrit djalin e tij Henry, të cilin e kishte me ish-partneren e tij Love.
Në sezonin e pestë, zbulohet se Joe nuk ka vrarë askënd që nga hera e fundit që shikuesit e panë atë.
Joe tani gëzon një reputacion të patëmetë dhe ka një shumë të konsiderueshme parash. Megjithatë, errësira e tij e brendshme, e kombinuar me një histori dhune në të kaluarën, kërcënon të shkatërrojë gjithçka që ai ka arritur ndërsa seriali i afrohet finales së tij spektakolare dhe të tensionuar.
Në sezonin e fundit, Penn Badgley i bashkohet Charlotte Ritchie, Anna Camp, Griffin Matthews, Pete Ploszek dhe Madeline Brewer.
Edhe pse sezoni i pestë i serialit u publikua së fundmi, ai ka marrë një numër të madh komentesh dhe vlerësimesh.
Sipas rishikimeve të para të kritikëve në Rotten Tomatoes, sezoni ka një vlerësim prej 81 për qind. Megjithatë, audienca i jep një vlerësim më të ulët prej 56 për qind.
Megjithatë, jo të gjithë ishin të kënaqur me sezonin e fundit. Disa shikues mendojnë se personazhi i Joe është bërë i mërzitshëm, ndërsa të tjerë pretendojnë se prisnin një fund më të mirë.
Megjithatë, ka edhe nga ata që besojnë se sezoni i pestë është më i mirë se ai i mëparshmi. /Telegrafi/
