Kreshnik Mahmuti dhe Shega Hashani mbrojtën titullin e kampionit ne Kampionatit Individual të Kosovës për Senior

Me datën 25 dhe 26 mars në SHMU ‘Tefik Çanga’ në Ferizaj u mbajt Kampionati Individual i Kosovës për Senior ku ishin të paraqitur rreth 150 lojtar meshkuj dhe femra.

Të shtunën u zhvilluan ndeshjet individuale në fazën e grupeve ku të paraqitur ishin 16 grupe me nga 4 lojtarë tek meshkujt e prej tyre 16 më të mirët e grupeve do i bashkëngjiteshin 48 lojtarëve tjerë të skeletin kryesor për të vazhduar me fazën individuale. Tek femrat ishin 7 grupe me nga 3 vajza prej tyre 2 më të mirat e secilit grup i bashkëngjiteshin skeletit kryesore ku ishin edhe 8 lojtaret më të mira.

Po ashtu të shtunën u zhvilluan ndeshjet e çifteve tek meshkujt dhe femrat, kishte shumë ndeshje interesante e po ashtu edhe rivalitet.

Tek çiftet femrat ishin të paraqitura 11 çifte, e në gjysmëfinalen e parë Alma Mehmeti / Lenë Osmani fituan me 3:0 ndaj Elsa Behluli / Maxhire Sojeva, e me rezultat të njejtë përfundoj edhe gjysmëfinalja tjetër Shega Hashani / Leoresa Imeri vs Edolinda Alimehaj / Olta Vishaj

Finalja ishte më e baraspeshuar u deshën 5 seta që të shpallen kampionet Shega Hashani / Leoresa Imeri.

Tek çiftet meshkujt konkurrenca ishte edhe më e madhe, të paraqituri ishin 34 çifte që treguan ndeshje mjaft interesante.

Në gjysmëfinalen e parë Blend Hajdari / Fatih Karabaxhaku me 3:0 fituan ndaj Ercan Karabacak / Eroll Boshnjaku, edhe në gjysmë finalen tjetër ishte rezultati i njëjtë ky Besart Domaniku / Enes Domaniku fituan ndaj Arti Karabaxhaku / Jasin Vraniqi, e njeherit vazhduan befasinë deri në finale ku edhe pse bënë rezistencë të denjë në fund nuk arritën të marrin më shumë se 1 set e kështu me rezultat 3:1 kampion u shpall Blend Hajdari / Fatih Karabaxhaku

Të dielën u zhvilluan garat në çifte të përziera si dhe faza eliminatore për meshkuj e femra.

Me çifte të përziera filluan garat të dielën me 19 çifte të paraqitura me mjaft rivalitet

Në gjysmëfinale e parë Fatih Karabaxhaku / Lenë Osmani fituan me 3:0 ndaj Jeton Beqiri / Shega Hashani, ndërsa në gjysmëfinalen tjetër Aulon Bivolaku / Leoresa Imeri, fituan 3:1 ndaj Blend Hajdari / Taibe Ruli. Finalja ishte mjaft e fortë por kampion me 3:1 dolën Fatih Karabaxhaku / Lenë Osmani.

Nga ora 13:00 filluan garat në skeletin kryesor me sistem eliminimi e deri në gjysmëfinale të gjitha ndeshje u zhvilluan me 3 sete të fituara, ndërsa nga gjysmëfinalja me 4 sete të fituara.

Në kategorinë e femrave gjysmëfinalet ishin si përsëritje e gjysmëfinaleve në kampionatin për U21, në gjysmëfinalen e parë Shega Hashani fitoi me 4:1 ndaj Leoresa Imerit, në gjysmëfinalen e dytë Alma Mehmeti fitoi me 4:2 ndaj Lenë Osmanit. Në finale Shega ishte shumë e koncentruar dhe e motivuar që të mbronte titullin nga viti i kaluar duke fituar me 4:0 ndaj Almës të cilës i mungon vetëm ky titull.

Në kategorinë e meshkujve deri në gjysmë finale pat shumë ndeshje të forta e befasi, por gjysmëfinalet u zhvilluan ndërmjet 4 lojtarëve nga Prizreni.

Në gjysmë finalen e parë në ndeshje mjaftë të baraspeshuar me rezultat të ngushtë 4:3 e fitoi Kreshnik Mahmuti ndaj Blendi Hajdarit.

Në gjysmë finalen e dytë Fatih Karabaxhaku pat punë më të lehtë ndaj Eroll Boshnjakut që e fitoj me 4:0.

Finalja si gjithmonë kishte shumë poenë atraktive edhe fituesi nuk dihej deri në fund, Fatihu pat mundësinë që të fitonte të tre titujt e mundshëm, por në fund Kreshnik Mahmuti me rezultat të ngushtë 4:3 mbrojti titullin e kampionit nga viti i kaluar.

REZULTATET

Meshkujt

1. Kreshnik Mahmuti

2. Fatih Karabaxhaku

3. Blend Hajdari

3. Eroll Boshnjaku

Femrat

1. Shega Hashani

2. Alma Mehmeti

3. Loresa Imeri

3. Lene Osmani

Çifte Meshkujt

1. Blend Hajdari/ Fatih Karabaxhaku

2. Besart Domaniku / Enes Domaniku

3. Arti Karabaxhaku / Jasin Vraniqi

3. Ercan Karabacak / Eroll Boshnjaku

Çifte Femrat

1. Shega Hashani / Leoresa Imeri

2. Alma Mehmeti / Lenë Osmani

3. Edolinda Alimehaj / Olta Vishaj

3. Elsa Behluli / Maxhire Sojeva

Çifte të përziera (mix)

1. Fatih Karabaxhaku/Lene Osmani

2. Aulon Bivolaku / Leoresa Imeri

3. Blend Hajdari / Taibe Ruli

3. Jeton Beqiri / Shega Hashani

Aktivitetet e ardhshme

Me 1 prill është paraparë të organizohet kampionati individual për U19, ndërsa me 2 prill java e dytë e garave ekipore në superligë.