Krejt çka ndodhi nga të shtënat në drejtim të Komunës së Mitrovicës (Video)

Në orët e para të mëngjesit të së enjtes, objekti i Komunës së Mitrovicës së Jugut është vënë në shënjestër nga persona deri tash të panjohur, që kanë shtënë gjashtë herë me armë zjarri.

Plumbat kanë mbërritur në zyrat e Drejtorisë së Inspeksionit, raporton KTV.

Fillimisht, mediat lokale kishin raportuar se bëhej fjalë për armë zjarri të tipit AK-47, por një gjë e tillë është mohuar nga Policia.

Sipas Avni Zahitit, zëdhënës i Policisë së Kosovës për Mitrovicë, në këtë rast ishte përdorur një pistoletë, derisa hetimet po vazhdojnë.Sulmi i djeshëm, ku pati vetëm dëme materiale, sipas Zahitit, nuk ka lidhje me një rast të mëhershëm, ku gjithashtu u dëmtua prona e komunës.

Të mërkurën në mesditë, 10 vetura zyrtare të komunës së Mitrovicës Jugore ishin demoluar në parkingun e komunës, nga ata që dikur i ruanin ato. 5 punëtorëve të sigurimit, veteranë të luftës, u ishte ndërprerë kontrata që kishin për sigurimin e parkingut dhe në shenjë revolte kishin dëmtuar pronën e komunës.

Ibishi ka mohuar se ka dijeni për të shtënat në drejtim të objektit të komunës, derisa e ka dënuar rastin.

E, kryetari i Mitrovicës Jugore, Agim Bahtiri, aktin e ka cilësuar si qyqar.

https://vimeo.com/169120125