Krejt çka duhet bërë gjatë një dite

Për një pamje gjithnjë të përsosur, regjimi i shëndetshëm përkujdesës i lëkurës mund të përmblidhet në tre fjalë: pastrim, hidratim dhe trajtim.

Trajtimi për sytë është një domosdoshmëri për t’i dhënë gjithë fytyrës pamje rinore, ashtu si edhe trajtimet specifike kundër plakjes që u adresohen dhe korrigjojnë zona ose probleme të veçanta. Megjithatë, ju mund të shtoni në listë edhe produkte eksfoliuese.

Pastruesit: ndihmojnë në pastrimin e yndyrës së tepërt, mbetjeve të ndryshme dhe makijazhit. Ata në të njëjtën kohë largojnë qelizat e zbehta të sipërfaqes, freskojnë, gjallërojnë dhe rinojnë për një pamje edhe më rinore të lëkurës. Pastruesit, gjithashtu e përgatisin lëkurën për të përthithur e përfituar plotësisht nga efektet e përbërësve të dobishëm të kremrave kundër plakjes.

Hidratuesit: duhet të përdoren gjatë ditës dhe natës. Hidratuesit e ditës sigurojnë mbrojtje me filtra SPF nga dëmtimet diellore me efekt plakës. Kremrat e natës veprojnë për të përtërirë shenjat e plakjes gjatë kohës që ju flini.

Trajtimet për sytë: janë krijuar posaçërisht për lëkurën delikate të zonës së syve, për të korrigjuar shenjat kyçe të moshës që shpesh godasin këtë zonë, si: rrathët e errët, fryrjet nën sy dhe rrudhat në cepat e jashtëm të syve.

Trajtimet kundër plakjes dhe serumet: Serumet dhe trajtimet specifike, zakonisht ofrojnë një formulë të përqendruar për të dhënë më shumë rezultate të dukshme dhe për të vepruar vetëm mbi një problem të caktuar apo shenjë të plakjes. Është shumë e rëndësishme për kujdesin e domosdoshëm të lëkurës, që ju të përdorni produkte të përqendrua dhe me efikasitet të lartë, si psh. serumin, veçanërisht kur lëkura juaj fillon të shfaq shenjat të dukshme të plakjes.

Produkte eksfoliuese/pastrues të përqendruar: për rezultate më të mira, përdorini dy herë në javë për të larguar lëkurën e vdekur, stimuluar përtëritjen qelizore dhe ‘freskuar’ pamjen e lëkurës. /Telegrafi/