Sukseset e shqiptarëve tashmë kanë kaluar kufijtë, por jo vetëm me sportistë e këngëtarë.
Kohëve të fundit, një sukses të madh jashtë trojeve shqiptare, është duke e korruar edhe kreatorja Lia Stublla, që deri më tani ka veshur disa emra të njohur ndërkombëtarë.
Duke qenë se së fundmi ka bashkëpunuar me këngëtaren spanjolle, Edurne, njëherësh bashkëshorten e futbollistit të njohur, David de Gea, i cili mbron për skuadrën e Manchester United, ajo ka zbuluar një tjetër bashkëpunim të sajin.
Për Telegrafin, Lia tregon se ka bashkëpunuar edhe me aktoren e producenten e famshme amerikane, Leah Marie Remini.
"Në mesin e shumë yjeve, ne kemi bashkëpunuar edhe me aktoren Leah Remini, e cila ka luajtur në shumë filma, mund të ceket filmi Second Act me aktoren Jennifer Lopez", ka thënë Lia Stublla për Telegrafin.
Leah Remini me fustanin e veçantë të dizajnuar nga Stublla ësht shfaqur në përvjetorin e tretë të "CHILD USA".
Aktorja Leah Remini me kreacion të Lia Stubllës
Stilistja kosovare deri më tani ka punuar me shumë yje botërore, përfshirë modelen spanjolle, Jessica Goicoechea, aktoren Tiffany Panhilason, të dashurën e Cristiano Ronaldos, Georgina Rodriguez e shumë të tjerë.
Kreatorja Stublla gjithashtu shquhet për stilin e mahnitshëm dhe trendi, koleksionet e së cilës janë unike dhe shumë të pëlqyera. /Telegrafi/
