Krasniqi dhe Ismaili: LDK e VV po bëhen bashkë nga frika se do të mposhten nga PDK-ja

Dy zyrtarët e lartë të PDK-së, Memli Krasniqi dhe Uran Ismaili shprehen të bindur se partia e tyre do të dale e para në zgjedhjet e 6 tetorit nëse partitë e mëdha garojnë si të vetme.

Ata thonë se LDK e VV po tentojnë të lidhin koalicion parazgjedhor nga frika se do të mposhten nga PDK-ja, nëse garojnë si parti të vetme.

Memli Krasniqi ka thënë në T7 se LDK-ja dhe VV-ja e kanë veç një arsye të bëhen bashkë, e sipas tij është frika nga humbja nga këto zgjedhje dhe e vetmja siguri që të dalin para PDK-së.

Edhe Uran Ismaili thotë se VV e LDK nga frika po tentojnë të bëhen bashkë.

“Nuk paraqet një risi që të gjithë të bëhen bashkë kundër PDK-së. Ka pasur gjithnjë front kundër PDK-së dhe dallimi është që e bën më të dukshme është kundër, Janë dy parti që kanë fol moti se janë të parat të cilat duan të hyjnë në një koalicion parazgjedhor duke shkelur çfarëdo lloj diference dhe duke u etabluar ejani të mblidhemi bashkë kundër PDK-së. E para mos-guximi dhe tjetra tregon forcën reale të PDK-së. Ata e dinë që PDK është në pozicion që mund t’i mund veç e veç”, ka thënë Ismaili.