Krahasimet me Lamine Yamal, vjen reagimi i parë nga Neymar

Neymar ka bërë të ditur ndjenjat e tij për ngjashmëritë mes tij dhe ssensacionit të Barcelonës, Lamine Yamal.

Yamal konsiderohet tashmë si një nga talentët e rinj më të ndritur në lojë, pavarësisht se është ende vetëm 17 vjeç, ashtu si braziliani ishte vetë kur u shfaq në skenë me Santos si adoleshent.

Shkathtësia e dyshes për driblimin nga hapësirat e ngushta, ndërkohë që ofron edhe gola dhe asistime nga zona të gjera, ka çuar në krahasime të pashmangshme mes dyshes nga tifozët.

Braziliani Neymar u largua nga Al Hilal vetëm disa javë më parë para se të kthehej në klubin e tij të fëmijërisë në Brazil dhe u pyet se çfarë mendonte për ngritjen meteorike të Yamal në yll në ish-klubin e tij.

Lexo po ashtu Yamal përmend tre lojtarët e klasit botëror të cilët do dëshironte që Barcelona t'i transferonte

“Lamine Yamal është një lojtar i madh”, deklaroi Neymar në një intervistë të fundit me eFootball.

“Ne padyshim ndajmë disa karakteristika të ngjashme në stilin tonë të lojës. Unë mendoj se ai ka gjithçka për t’u bërë një nga yjet më të mëdhenj të futbollit në botë”.

Vetë Yamal ka folur shpesh se sa shumë ndikoi Neymar në lojën e tij si i ri.

“Isha pesë vjeç kur e pashë në Santos, por shtatë vjeç kur e pashë personalisht te Barcelona në Camp Nou”, deklaroi ai në janar.

“Ishte e pabesueshme ta shihje atë. Po, është e vërtetë që Messi ishte aty i cili ishte gjithashtu i pabesueshëm, por ai ishte diçka krejtësisht ndryshe.

Neymar ka qenë gjithmonë idhulli im. Ai është një yll, një legjendë futbolli”, kishte potencuar më tej Yamal. /Telegrafi/