KQZ hedh shortin, kjo është renditja e partive në fletëvotim për zgjedhjet në Podujevë

Komisioni Qendror i Zgjedhjeve ka hedhur sot shortin për renditjen e kandidatëve që do të garojnë në zgjedhjet e jashtëzakonshme që do të mbahen në Podujevë më 15 mars.

Gjatë hedhjes së shortit, numrat që mund të përzgjedhur ishin 10, 11 dhe 12.

Partia e parë që tërhoqi shortin ishte Lidhja Demokratike e Kosovës, që do të ketë numrin 11 në fletëvotimet që do të përdoren për zgjedhjet në Podujevë.

Partia e dytë ishte Lëvizja Vetëvendosje, përfaqësuesja e së cilës tërhoqi numrin 12.

Ndërsa i fundit ishte përfaqësuesja e Partisë Demokratike të Kosovës, e cili zgjodhi numrin 10 për garën e 15 marsit.

LDK-ja në Podujevë për këto zgjedhje të jashtëzakonshme, garon me kandidatin Nexhmi Rudari, LVV-ja hyn në zgjedhjet e 15 marsit në Podujevë me kandidat Shpejtim Bulliqin, ndërsa PDK-ja në Podujevë ka kandidat Naim Fetahun.

Zgjedhjet e jashtëzakonshme në Podujevë u shpallën nga presidenti Hashim Thaçi, pasi ish-kryetari i Podujevës, Agim Veliu mori postin e ministrit të Brendshëm dhe Administratës, pas zgjedhjeve të përgjithshme të mbajtura më 6 tetor të vitit të kaluar. /Telegrafi/