Kovachev: Macron nuk mund të garantojë interesat bullgare për Maqedoninë e Veriut

Bullgaria nuk mund të pranojë ndonjë deklaratë me gojë ose me shkrim si garanci. Një deklaratë në emër të Presidentit francez Emmanuel Macron, ose në emër të Presidentes së Komisionit Evropian Ursula von der Leyen ose kushdo tjetër, nuk është garanci, thotë eurodeputeti bullgare Andry Kovachev.

“Për ne garanci mund të jetë vetëm nëse pikat tona nga pozicioni i kornizës dhe deklarata e Parlamentit bullgar, si dhe elementët e Marrëveshje së Miqësisë dhe Fqinjësisë, të përfshihen në kornizën e negociatave që duhet të miratojnë të gjitha shtetet anëtare”, tha eurodeputeti bullgare.

Kovachev theksoi se “nga ana e Shkupit nuk ka lëvizje në asnjë nga temat që janë të rëndësishme jo vetëm për Bullgarinë, por edhe të lidhura me vlerat themelore evropiane dhe njerëzore”.

“Pozicioni ynë është pikat që ne kemi propozuar të bashkohemi me kornizën e negociatave të RMV-së që duhet të pranohet nga të gjitha shtetet anëtare në këshill. Nëse Presidenti Macron ka diçka të re për t’i thënë Bullgarisë, duhet ta dimë. Por në asnjë mënyrë ne nuk duhet të pajtohemi nëse dikush shpreh diçka nga jashtë dhe tha se do të na japë atë që duhet të pranojmë”, tha eurodeputeti për “BGNES”.

Sipas tij, aktualisht nuk ka qartësi për propozimet franceze./Telegrafi/