Kotzias me akuza të reja ndaj Maqedonisë

Maqedonia ka përdorur mjete joadekuate për menaxhimin me refugjatët dhe më tepër herë e ka shkelur të drejtën ndërkombëtare, ka deklaruar ministri i jashtëm i Greqisë, Nikos Kotzias në një intervistë për „Gazetën e gazetarëve“, transmeton Telegrafi Maqedoni.

Ai tha se Athina zyrtare „i ka rekomanduar“ vendit tonë „ta rishqyrtojë atë që e bën dhe çfarë pasojash do të ketë kjo ndaj marrëdhënieve të ardhshme me sistemin institucional evropian“.

– Përgjegjësi mbajnë edhe vendet anëtare të BE, të cilët edhe krahas pranisë së tyre në Maqedoni, nuk e parandaluan sjelljen e tij, ka deklaruar Kotzias.

Sipas tij, Greqia „nga ana e saj, me çështjet e këtilla ballafaqohet me qetësi dhe përgjegjësi “.

– Ata të cilët mendojnë se do të ndalojmë të ndërmarrim iniciativa për realizimin e një politike pro-aktive janë budallenj. Ata që nuk mund ti përballojnë vështirësitë e politikës së jashtme dhe e humbin qetësinë e tyre, duhet ta shikojnë veten më mirë, ka deklaruar ministri grek.

Kotzias përkujtoi se më 14 prill u mbajt takimi i parë trepalësh për çështjen e refugjatëve me Shqipërinë dhe Italinë dhe informoi se më 21 dhe 22 prill, në Selanik, do të jetë nikoqir i takimit për bashkëpunim ndërkufitar me ministrat e jashtëm dhe të brendshëm të Bulgarisë, Maqedonisë dhe Shqipërisë./Telegrafi/