Kosova U-21 ka arritur të shënojë fitore të madhe ndaj bashkëmoshtarëve të tyre të Turqisë me rezultat 3-1.
Një ndeshje shumë e mirë e djelmoshave tanë që rrezikuan shpesh dhe kishin shumë raste shënimi.
Ishte mbrojtësi Arbenit Xhemajli që në minutat shtesë të pjesës së parë, shënoi në portën e Bayindir. Një gol që i dërgoi në pushim me epërsi.
Mirëpo, pjesa e dytë nisi keq për djelmoshat tanë që pranuan gol. Ishte Ibrahim Dervisoglu (46')që shënoi në portën e Florijan Smakiqit.
Por Kosova nuk u dorëzua. Një aksion i bukur i Lirim Kastratit me Mirlind Dakun, ky i fundit me një goditje të bukur me kokë shënoi për 2-1 (72').
Kosova pas golit i kishte edhe dy raste shumë të mirë, po u desh të pritet minuta e 90-të që Kastrati të shënonte për 3-1.
Me këtë fitore Kosova ka gjashtë pikë dhe është lider në Grupin 3 kualifikues për 'Euro 2021'. /Telegrafi/
