Kosova shkon në pushim me disavantazh prej një goli ndaj Greqisë

Greqia e ka mbyllur me epërsi pjesën e parë të takimit kundër Kosovës (0-1) në ndeshjen e zhvilluar në stadiumin “Fadil Vokrri”, e vlefshme për Grupin 2 të Ligës C në kuadër të Ligës së Kombeve.

Pas një imponimi të lojës nga vizitorët, Arbër Zeneli pati një mundësi të mrekullueshme për t’i kaluar vendasit në epërsi, mirëpo portieri mysafir e ndali goditjen e tij nga afërsia që ishte nga një kënd i vështirë.

Loja e mirë e Dardanëve vazhdoi edhe në vijim, para se të kishte një qetësi dhe një lojë më të vëmendshme, ndërkohë që Helenët përpiqeshin të ndërtonin aksione para portës së Aro Muric.

Të zgjedhurit e Alain Giresse respektonin udhëzimet e trajnerit me lojë taktike duke pritur gabimet e kundërshtarëve për të dalë në aksion dhe për të rrezikuar.

Njëherësh, loja ishte e bazuar edhe në aftësitë vetanake të futbollistëve të fazës së sulmit, të cilët prisnin shanset e tyre për të ndëshkuar.

Përkundër që Kosova dukej se po bënte lojë të sigurt, Anastasios Bakasetas pranoi një top nga Petros Mantalos dhe gjeti hapësirë për t’i kaluar grekët në epërsi (36’).

Përzgjedhësi i Kosovës, Alain Giresse, ka se çfarë t’u flasë lojtarëve të tij në zhveshtore, në mënyrë që t’i ndryshojnë gjërat në fraksionin e dytë. /Telegrafi/

Kosovo karşısında 1-0 öne geçen Yunanistanın golünü takımımızın oyuncusu Anastasios Bakasetas attı. pic.twitter.com/ghvSvGR7uU

— Turkish American Trabzonspor Fans Association (@tatfaorg) June 5, 2022