Kosova renditet e para në botë me vdekjet nga COVID-19 në 1 milion banorë, Kusari-Lila fajëson LDK-në për keq menaxhim

Numri i personave të infektuar me COVID-19 në Kosovë ka arritur në 10 mijë e 795, ku prej tyre 365 kanë humbur jetën, ndërkaq 6 mijë e 411 janë shëruar.

E numri i lartë i vdekjeve ka bërë që Kosova të renditet e para në botë.

Themeluesi dhe Drejtori i Institutit për Hulumtime “Scripps”, Eric Topol i cili njëherësh është edhe profesor i mjekësisë molekulare, ditë ma parë ka publikuar në llogarinë e tij zyrtare në Twitter rang listën e shteteve me më së shumti vdekje në një milion banorë, ku e para është Kosova.

Sipas tabelës, Kosova renditet e para për raste të vdekjeve nga COVID-19 për 1 milion banorë, e ndjekur nga Peru, Bolivia, Meksika dhe Panamaja.

Today marks 16 weekdays in a row with the US > 1,000 covid deaths.
The USA ranks #9 in the world for deaths/million people, the only industrialized nation on the list
1. Kosovo
2. Peru
3. Bolivia
4. Mexico
5. Panama
6. Brazil
7. Montenegro
8. Bosnia pic.twitter.com/9hsygMP9I6

— Eric Topol (@EricTopol) August 11, 2020

Kosova për numrin e vdekjeve në 1 milion banorë e ka lënë prapa edhe Amerikën e cila renditet në vendin e 9-të.

Lidhur me këto statistika ka reaguar deputetja e LVV-së, Mimoza Kusari-Lila.

Ajo përmes një reagim në Twitter ka shkruar se kaq për menaxhimin e mirë të ministrit Armend Zemaj dhe lavdërimin e Isa Mustafës për punën e kryer nga jurisiti Zemaj.

“Kaq për menaxhimin e mirë të Armend Zemaj nga LDK dhe lavdërimin e Isa Mustafës për punën e kryer nga jurisiti, Ministër i shëndetësisë. Ironikisht, duket se Isa Mustafa po lexon mbrapsht “suksesin” e Kosovës. Kush është “xhelati i vërtetë” po tregojnë statistikat”, ka shkruar Kusari-Lila.

Kaq për menaxhimin e mirë të @ArmendZemaj nga @LDKzyrtare dhe lavdërimin e @IsaMustafaKS për punën e kryer nga jurisiti, Ministër i shëndetësisë. Ironikisht, duket se @IsaMustafaKS po lexon mbrapsht “suksesin” e Kosovës. Kush është “xhelati i vërtetë”po tregojnë statistikat. https://t.co/tReuixO4Ks

— Mimoza Kusari 🇽🇰🇺🇦 (@mimozakusari) August 13, 2020

Kujtojmë se tash e disa javë numri i vdekjeve në Kosovë brenda 24 orëve ka qenë mbi 10 persona, duke bërë kështu që shkalla e vdekshmërisë nga COVID-19 të rritet.

Sipas të dhënave të IKSHP-së raste aktive me coronavirus në vendin tonë janë 4 mijë e 19. /Telegrafi/