Ekonomi Të Tjera

Kosova pagoi 248 milionë dollarë në mungesë të kodit

Para 9 vitesh

Nga viti 2000 deri në vitin 2016 Kosova ka paguar 248 milionë dollarë për dy kompani të huaja telefonike në mungesë të kodit të vet ndërkombëtar.

Kështu shkruan në numrin e saj të fundit gazeta amerikane USA Tuday, transmeton RTK. Mosdhënia e kodit telefonik ndërkombëtar për Kosovës, ka prapavijë politike por edhe ekonomike. Sipas gazetës, USA Tuday, ndonëse Serbia dhe Kosova janë marrë vesh në Bruksel që Kosova të marrë kodin 383, kjo nuk do të ndodhë të paktën edhe një vit për shkak të pengesave që Serbia po ia nxjerrë Kosovës së pavarur.

Si komb i ri i Evropës, Kosova ka shumicën e simboleve të vendeve të tjera sovrane, siç është flamuri dhe himni kombëtar. Por ajo që Kosova ende nuk e ka, për motive politike dhe ekonomike, është kodi ndërkombëtar i saj telefonik, gjë kjo që zemëron njerëzit në këtë vend të vogël prej 1.8 milion.

Nga viti 2000 deri në vitin 2016 Kosova ka paguar 248 milionë dollarë për dy kompani të huaja telefonike në mungesë të kodit vetanak ndërkombëtar. Kështu shkruan në numrin e saj të fundit gazeta amerikane USA Tuday.

Nëse dëshironi të telefononi në Kosovë, ju këtë mund ta bëni vetëm përmes prefiksit të Monaco (377) apo Sllovenisë (386). Ndërkaq, në telefonat fiks duhet të thirrni kodin e Serbisë (381) – që është një trashëgimi frustuese qysh nga koha kur Kosova ishte një krahinë serbe dhe subjekt i vrasjeve dhe dëbimeve masive nga serbët.

Është e padrejtë thotë Fjollë Shaqiri, studente e psikologjisë në Universitetin e Prishtinës. “Ne jemi të pavarur dhe tani jemi pjesë e komunitetin ndërkombëtar. Jemi në Evropë “ thotë ajo.

Vendi i fundit që ka marrë kodin telefonik ndërkombëtar është Sudani në vitin 2011, i cili u pavarësua tre vjet pas Kosovës. Janë 193 vende në botë që kanë kodin e vet ndërkombëtar telefonik

Kosova e shpalli pavarësinë nga Serbia në vitin 2008 pas një lufte brutale, e cila përfundoi në vitin 1999. Shteti më i ri në Ballkan e kishte të ndarë kodin ndërkombëtar 383 qysh në vitin 1981, kur ishte pjesë konstituive e Federatës Jugosllave. Kjo ishte bërë nga Unioni Ndërkombëtar i Telekomit që është një agjenci e Kombeve të Bashkuara.

Por, Serbia e cila nuk njeh pavarësinë e Kosovës, ka bllokuar përdorimin e kodit vetanak ndërkombëtar telefonik për Kosovën. Të dy shtetet kanë arritur në Brueksl marrëveshje për ndarjen e kodit ndërkombëtar për Kosovën që në muajin gusht të vitit të kaluar, por është Serbia që po pengon zbatimin në praktikë të kësaj marrëveshje.

Gjurgja Gjukiq, hulumtues i iniciativës civile për demokraci dhe të drejta civile në Serbi, thotë se “Serbia ka bllokuar kodin ndërkombëtar për Kosovën, pasi ndodhet në luftë me simbolet e Kosovës”.

Këtë Serbia e bën për të penguar imazhin e Kosovës si një vend i pavarur

Kodi telefonik ndërkombëtar për Kosovën nuk është vetëm numër për popullatën, e cila për pavarësinë e Kosovës ka derdhur gjak. Është diçka më e madhe, thotë shefja e grupit negociator të Kosovës Edita Tahiri. Sipas marrëveshjes “Kosova pasi të marrë kodin e vet ndërkombëtar telefonik, nuk do tëketë më si deri më tani, dy apo tre kode të huaja”, thotë Tahiri.

Sipas gazetës, USA Tuday, ndonëse Serbia dhe Kosova janë marrë vesh në Bruksel që Kosova të marrë kodin 383, kjo nuk do të ndodhë të paktën edhe një vit për shkak të pengesave që Serbia po ia nxjerrë Kosovës së pavarur.

“Është një simbol që do të thotë shumë”, ka thënë Fjollë Shaqiri, studente kolegji. “Është vetëm një numër, por na përfaqëson në botë. … Është njësoj si flamuri dhe himni”. /Telegrafi/