Kosnett takon edhe Osmanin, flasin për formimin e Qeverisë

Ushtruesja e Detyrës së Presidentes së Kosovës, Vjosa Osmani ka pritur në takim Ambasadorin e Shteteve të Bashkuara të Amerikës, Philip Kosnett me të cilin diskutuan për rezultatin e zgjedhjeve.

Osmani njoftoi se në këtë takim janë pajtuar me Kosnett që formimi i institucioneve të reja të jetë prioritet.

Përmes një njoftimi në Twitter, Osmani bëri të ditur se gjatë këtij takimi ka theksuar se populli i Kosovës votuar për ndryshim.

“Me ambasadorin e SHBA-ve në Kosovë diskutuam për rezultatin e zgjedhjeve. Theksova se populli i Kosovës votoi qartë për ndryshim. U pajtuam se formimi i institucioneve të reja duhet të jetë prioritet për të siguruar stabilitetit dhe të angazhohemi për rimëkëmbjen pas COVID-19”, shkruan Osmani.

Ambasadori Kosnett përmes Twitter-it tha se gjatë këtij takimi ka shprehur interesim të punojmë bashkë me Qeverinë e re, sapo ajo të formohet.

“Takova presidenten në detyrë, Vjosa Osmani për ta uruar atë dhe popullin e Kosovës për rezultatin e zgjedhjeve dhe për të diskutuar për formimin e qeverisë së re. Shprehëm interesim që të punojmë me të dhe qeverinë e re, sapo të formohet, për të adresuar sfidat dhe synimet e përbashkëta”, shkruan Kosnett.

Met with Acting President @VjosaOsmaniMP to congratulate her and the people of Kosovo on the election results & discuss next steps in forming a new government. We look forward to working with her & the new government, once formed, on addressing critical challenges & common goals.

— Ambassador Philip S. Kosnett (@USAmbKosovo) February 16, 2021

Ndryshe, Kosnett mëngjesin e së martës ka takuar edhe kreune Lëvizjes Vetëvendosje, Albin Kurtin.

Kosnett në një postim në Twitter nxit partitë të punojnë shpejtë për të krijuar Qeverinë dhe Kuvendin që t’i shërbejnë të gjithë qytetarëve dhe t’i adresojnë sfidat.

“I kënaqur të takojë Albin Kurtin dhe të urojë Lëvizjen Vetëvendosjen për fitoren e saj dhe diskutuam për rrugën e Kosovës përpara.

Ne i nxisim partitë të punojnë shpejtë për të krijuar Qeverinë dhe Kuvendin që t’i shërbejnë të gjithë qytetarëve dhe në adresimin e sfidave”, shkruan Kosnett. /Telegrafi/

With @USAmbKosovo we discussed about the outcome of the elections. I stressed that the people of ?? have clearly voted for change. We agreed that the constitution of the new institutions must be a priority to ensure stability & a steadfast commitment to a post COVID-19 recovery. pic.twitter.com/ZxuOe1oJyc

— Vjosa Osmani (@VjosaOsmaniMP) February 16, 2021