KosLift ka hapur aplikimet për trajnime online falas për studentët e UP-së dhe RIT Kosovë!

A jeni student i Universitetit të Prishtinës apo RIT Kosova? Dëshironi të zhvilloni njohuri dhe shkathtësi të reja, që të jeni gati për tregun e punës? Atëherë aplikoni në projektin KosLift.

KosLift do të rekrutojë dhe trajnojë studentë në shkathtësi të nevojshme dhe të kërkuara nga tregu i punës sikurse menaxhimi i projekteve, zhvillimi i mendim kritik, zhvillimi i gjuhëve programuese, aftësi të buta dhe shumë kurse të tjera, duke i përgatitur ata për punësim të mundshëm dhe duke krijuar një fuqi punëtorë më të aftë.

Trajnimet online nga KosLift ofrohen FALAS dhe janë të dizajnuara si një koncept garues, ku studentët më të suksesshëm do të kenë mundësinë qe të zhvillojnë kapacitet e tyre profesionale duke u bërë pjesë e punëtorive rigoroze në Laboratorin për Hulumtim dhe Zhvillim në RIT Kosovë (A.U.K).

(1) Në trajnimet online, të rinjtë pas rekrutimit kalojnë në një seri trajnimesh thelbësore për teknikat e zhvillimit e hulumtimit. Studentët më të suksesshëm do të kenë mundësi që të vazhdojnë tutje me komponentët tjerë te projektit sikurse: Laboratori për Zhvillim dhe Hulumtim dhe Sfidat e Dizajnit

(2) Laboratori për Hulumtim dhe Zhvillim do të funksionojë si “makerspace” për student, duke krijuar një ambient pune ku studentët nga cilado disiplinë do të kenë mundësinë të krijojnë produkte të bazuara në konceptet e tyre inovative.

Aplikimi për KosLift është i hapur deri më 13 Tetor, 2019.

www.Koslift.org

Artikull i sponsorizuar