“Kopjo modelin e Liverpoolit”, Cantona këshillon Manchester Unitedin

Legjenda e Manchester Unitedit, Eric Cantona ka vënë në pikëpyetje nëse klubi ende mund të tërheqë lojtarët më të mirë, teksa ka këshilluar ata ta ndjekin modelin e rivalit të urryer, Liverpoolit.

Cantona ka paralajmëruar United se lojtarët më të mirë të botës nuk do të kalojnë në Old Trafford sepse nuk mund të garantojnë trofe.

“Gjatë kohës së Alex Ferguson, nëse do të donit një lojtar, më të mirin në botë, ai do të vinte në Manchester United sepse ata po fitonin në Angli dhe Evropë”, ka thënë fillimisht Cantona, i cili pranoi se nuk ishte në dijeni të Ëeghorst apo lëvizjes së tij te United.

“Manchester United ishte klubi më i madh në botë dhe ata kishin para për të blerë çdo lloj lojtari”.

“Tani është ndryshe, sepse lojtarët më të mirë duan të luajnë në një ekip për të fituar trofe dhe Unitedi nuk është në gjendje të zgjedhë më të mirët sepse më të mirët nuk do të vijnë në United”.

“Pra, duhet të jesh i zgjuar. Të zgjuar si Liverpooli. Ata morën Mane dhe Salah, jo lojtarët më të mirë në botë, por me një ekip të madh dhe një atmosferë të shkëlqyer, së bashku fituan gjëra”.

“Dhe më pas Mane dhe Salah u bënë lojtarët më të mirë në botë. Ky është një shembull i shkëlqyer për Unitedin”, përfundoi legjenda e Djajve të Kuq. /Telegrafi/