Kontrolle intensive i të burgosurve në burgun e Shuto Orizares

Nga rezultatet e deritanishme nga inspektimi i të burgosurve dhe personave që janë në paraburgim në burgun e Shuto Orizares, nuk ka asnjë të burgosur pozitive për Covid-19, tha Ministri i Shëndetësisë, Venko Filipçe në konferencën e sotme për shtyp.

“Në burgun në Shuto Oizares, gjatë ditëve të kaluara është bërë punë intensive, në drejtim të ekzaminimeve klinike intensive nga mjekë nga Qendra Shëndetësore Shkup, për të gjithë personat që janë akomoduar në të gjitha blloqet. Në mënyrë intensive u mor materiale nga një numër i madh i personave të vendosur në blloqe të caktuara ku ishte vendosur i ndjeri. Sigurisht që ka pasur një kontroll dhe udhëzimet e duhura janë dhënë nga epidemiologët për punonjësit, sipas informacionit për kontaktet e personit që vdiq. Situata është analizuar në detaje”, tha ministri.

Më 8 prill të këtij viti, pas një muaji në paraburgim, një qytetar nga Resnja vdiq në burgun e Shuto Orizares. Pas një autopsie në trupin e të ndjerit, u përcaktua se ai ishte pozitiv për Covid-19.

Lexo po ashtu Një i burgosur në burgun e Shuto Orizares humb jetën ngasulmi në zemër, rezulton pozitiv në Covid-19

Incidenti ngjalli zemërim midis të burgosurve që kërkonin të merrnin masa për mbrojtjen nga virusi./Telegrafi/