Asambleja e Përgjithshme e OKB-së miratoi rezolutën jodetyruese që kërkon armëpushim në Gaza

Asambleja e Përgjithshme e Kombeve të Bashkuara ka miratuar rezolutën që bën thirrje për një armëpushim të menjëhershëm humanitar në Rripin e Gazës.

Megjithatë, dy amendamente dështuan përpara votimit mbi rezolutën, që do të thotë se anëtarët u pyetën rreth formulimit të rezolutës siç u parashtrua fillimisht.

Me 153 deputetë votuan pro, 10 kundër dhe 23 abstenuan u miratua rezoluta, raporton skynews.

Gjithashtu iu kërkua të gjitha palëve të respektojnë detyrimet e tyre sipas ligjit ndërkombëtar – veçanërisht në lidhje me mbrojtjen e civilëve, transmeton Telegrafi.

In favour: 153

Against: 10

Abstentions: 23

UN General Assembly adopts resolution on the Middle East demanding a humanitarian ceasefire, the protection of civilians, the immediate, unconditional release of all hostages and humanitarian access. pic.twitter.com/0szWbQQJVb

— United Nations (@UN) December 12, 2023

Dhe pika e tretë e rezolutës kërkonte lirimin e menjëhershëm dhe pa kushte të të gjithë pengjeve, si dhe qasje e lehtë në ndihmat humanitare.

Rezoluta kërkon lirimin pa kushte të të gjithë pengjeve dhe që të dyja palët të respektojnë ligjin ndërkombëtar, veçanërisht në lidhje me mbrojtjen e civilëve.

Lexo po ashtu Biden takon Zelenskyn në Shtëpinë e Bardhë, SHBA-ja ndan 200 milionë dollarë shtesë për Ukrainën

Për dallim nga rezolutat e Këshillit të Sigurimit, këto të Asamblesë së Përgjithshme nuk janë ligjërisht të detyrueshme – dhe asnjë vend nuk ka të drejtë vetoje, vetëm një shumicë e thjeshtë kërkohet që ajo të miratohet.

Ndryshe, rezolutat si kjo kanë vetëm peshë politike dhe pasqyron një pikëpamje globale. /Telegrafi/